د بیزو چیچک یا : د افریقایي شیوع په زمینه کې د مونکیپوکس ناروغۍ تعارفي کورس

ددا کورس په لاندې ژبو کې شتون لري:

Español - Français - Русский - 中文 - Português - العربية - Naijá

عمومي کتنه: عمومي کتنه: د مونکيپوکس ویروس یو ارتوپوکس ویروس دی چې په انسان کې د مانکیپوکس ناروغۍ (د بیزو چیچک) لامل ګرځي. دا یوه ویروسي ناروغي ده چې چیچک ته ورته اعراض او علایم لري لکه تبه او د پوستکي بخار او دانې. په 1980 کې د نړۍ په کچه د چیچک له مینځه وړولو وروسته، منکیپوکس په انسانانو کې د اورتوپوکس ویروس ترټولو مهم انتان په توګه راڅرګند شوی دی. د مانکیپوکس د پیښېو راپور معمولاْ د مرکزي او لویدیزې افریقا هیوادونو له کلیوالي سیمو څخه ورکول کیږي، په ځانګړي توګه استوایی باراني ځنګلونو ته له نږدې سیمو څخه چیرې چې خلک ممکن اخته حیواناتو سره په تماس کې وي. یو شخص کیدای شي د بل شخص (چي په کور یا روغتیایی مرکز کې یا هم د اخته کس شاوخوا شیانو سره تماس ولری) له تنفسي قطراتو سره د مستقیم تماس له لارې په ناروغۍ اخته شي. سره لدې چې یو شخص څخه بل شخص ته د مونکیپوکس ویروس د لیږد همدا اصلي طریقه ده، لیکن بیا هم د مونکیپوکس ناروغي پرته لدې چې په ټولنه کې د پراخ انتان یا شیوع لامل شي د څو پیښو او کوچنیو کلسترونو په بڼه کې رامنځته کیږي. همدا دلیل دی که د مونکیپوکس پیښو پر وړاندې چټک اقدام وشي پیښې یې په اسانۍ سره کنټرولیږي. ډیری وختونه داسې راپورونه ورکړل شوي دي چې له نورو سیمو څخه په مونکیپوکس اخته مسافرین یا هم اخته حیوانات یوې سیمې ته را وارد شوي دي او د مونکیپوکس د پیښو سبب ګرځيدلي دي. دا کورس د یوې روزنیزې ویډیو له لارې د مونکیپوکس ناروغۍ په اړه عمومي معلومات وړاندې کوي او همدارنګه د د ناروغۍ په اړه یو د ډاونلوډ وړ پریزنټشن چې هر مهال تاسې وغواړئ مطالعه کولی یې شئ، وجود لري. دا کورس د عامو خلکو د پوهاوي او هغو روغتیایی کارکوونکو لپاره چې د مونکیپوکس د مخنیوي او کنټرول مسؤلیت پر غاړه لري، ترتیب او چمتو شوی دی..

د زده کړې موخې: د دې کورس په پای کې، ګډون کوونکي باید په لاندې مواردو پوه وي:

• د مونکیپوکس ناروغۍ رامنځته کیدل او د لاملونو پیژندل.
• د مونکیپوکس ناروغۍ د لیږد په لارو پوهیدل او تشریح کول.
• د مونکیپوکس ناروغۍ د اعراضو او علایمو تشریح کول.
• د مونکیپوکس، آب چیچک (Chickenpox) او شري ناروغیو پیژندل.
• د مونکیپوکس ناروغۍ د لابراتواري نمونو او معایناتو تشریح کول
• د مونکیپوکس د مخنیوي او کنټرول پر ستراتیژیو بحث کول

د کورس موده: یو ساعت

سندونه: د لاسته راوړنو د ثبت سندونه تاییدوي چې د دوی په اړه ثابته شوې چې نمره د ټولو غونډو د عمومي نمایندګۍ په پرتله تر 80٪ اوسي. . د دې زده کولو لپاره دلته کلیک وکړئ

ژبا اړول شوې په پښتو له 2020, Mpox: Introductory course for African outbreak contexts, WHO د ژباړې د محتوا او دقیق توب مسؤلیت نه لري. د انګلیسي او پښتو ژبا ړل شوې ژبې تر مینځ د توپیر په صورت کې، د انګلیسي اصلي متن به بنسټیزه او د اعتبار وړ بڼه وي.

دغه لنډ کورس د mpox په اړه عمومي معلومات وړاندې کوي . د ناروغۍ په اړه نوی او زیات معلومات، او د ۲۰۲۳-۲۰۲۲ نړیوالی وبا څخه زده شوي درسونه دلته موجود دي here.