Səhiyyə xidməti ilə əlaqəli infeksiyaların əksəriyyətinin qarşısını əllərin düzgün gigiyenası - onları lazımi vaxtlarda və düzgün şəkildə təmizləmək yolu ilə almaq mümkündür. Səhiyyə xidmətləri zamanı əl gigiyenası üzrə ÜST təlimatları bütün dünyada səhiyyə müəssisələrində əl gigiyenasının təbliği və yaxşılaşdırılmasını dəstəkləyir və bu təlimatlar ÜST-nin multimodal əl gigiyenasının yaxşılaşdırılması strategiyası, tətbiqetmə bələdçisi və istifadəyə hazır bir çox praktiki alətlərin daxil olduğu tətbiqetmə dəsti ilə tamamlanır. Bu modul əl gigiyenası üzrə ÜST təlimatlarının, əlaqədar vasitələrin və effektiv tətbiqetmə üçün ideyaların ümumiləşdirilməsinə kömək məqsədilə hazırlanıb.
Please note: These materials were launched on 25/02/2020.
Язык: Azərbaycan dili
COVID-19
Информация о курсе
Bu kurs aşağıdakı dillərdə də mövcuddur:
English - français - Português - العربية - Русский - Español - 中文 - Nederlands - Soomaaliga - Türk - සිංහල- தமிழ் - Shqip - македонски - Tetun - Казақ тілі - Հայերեն - ქართული ენა
Ümumi icmal: Tibb işçilərinin əlləri xəstələrin təhlükəsizliyinin təmin edilməsində vacib rol oynayır. Əgər tibb işçiləri əllərini lazım olan anlarda müvafiq üsullardan istifadə etməklə təmizləmirlərsə, onlar öz əlləri vasitəsilə infeksion xəstəliyə səbəb olan mikroorqanizmləri bir xəstədən digərinə ötürə bilərlər. Mühüm məqamlarda əl gigiyenasına riayət etmək vacib tibbi qulluq proseduru hesab edilir. Əl gigiyenası mikroorqanizmlərin (o cümlədən, antibiotiklərə qarşı davamlı olanların) ötürülməsini azaldır, xəstə təhlükəsizliyini artırır və səhiyyə xidməti ilə əlaqəli infeksiyaların (SXƏİ) sayını azaldır. Effektiv, vaxtında icra olunan əl gigiyenası infeksion profilaktika və infeksion nəzarət (İPİN) işinin təməlini təşkil edir.
Tədris məqsədləri: Kursun sonunda iştirakçılar aşağıdakıları bacarmalıdırlar:
- Əl gigiyenasını infeksion profilaktika və nəzarət işində mühüm komponent kimi təsvir etmək;
- Əl gigiyenasının “5 Məqam”ını müəyyən etmək;
- Xəstəyə qulluq zamanı əlcəklərdən istifadə və əl gigiyenasını müzakirə etmək;
- ÜST tərəfindən tövsiyə edilən üsulla əllərin sabun və su ilə yuyulmasının düzgün yolunu nümayiş etdirmək;
- ÜST tərəfindən tövsiyə edilən üsulla spirt tərkibli antiseptik məhluldan (STAM) istifadə etməklə əl gigiyenasına düzgün riayəti nümayiş etdirmək; və
- Hər hansı bir tibb müəssisəsində əl gigiyenasının vacib məsələlərini və mülahizələrini müzakirə etmək.
Kursun müddəti: Təxminən 1 saat.
Sertifikatlar: Proqram yekunlaşdıqdan sonra keçiriləcək testdə ən az 70% nəticə əldə edən iştirakçılara ”Sertifikat” təqdim ediləcək. Tələb olunan nəticəni əldə etmək üçün limitsiz sayda cəhd göstərə bilərsiniz. Sertifikat alan iştirakçılar bu kurs üçün Açıq Nişanı da yükləyə bilərlər. Necə etməyi öyrənmək üçün buraya klikləyin.
Standard precautions: Hand hygiene, 2020-ci ildən Azərbaycan dilinə tərcümə edilmişdir. ÜST bu tərcümənin məzmununa və ya dəqiqliyinə cavabdeh deyil. İngilis dili ilə azərbaycan dilinin tərcüməsi arasında hər hansı bir uyğunsuzluq olduğu təqdirdə, orijinal ingilis versiyası məcburi və orijinal variantdır.
Записаться на этот курс
Требования для получения сертификата
- Чтобы получить сертификат об окончании курса, участникам необходимо набрать не менее 70% от максимального количества баллов за все задания на оценку.