Maioria hosi infesaun asosiadu ho kuidadu saúde mak bele prevene liuhosi ijiene liman di’ak – fase liman iha tempu loos no dalan loos. Matadalan OMS nian kona-ba ijiene liman iha kuidadu saúde mak suporta promosaun no melloria ba ijiene liman iha fasilidade kuidadu saúde sira iha mundu tomak no sei komplementa liuhosi OMS nia estratéjia multimodál ba melloria ijiene liman, matadalan ba implementasaun, jogu-ferramenta implementasaun, ne’ebé kontein ferramenta prátiku barak ne’ebé prontu atu uza. Módulu ida-ne’e mak prepara tiha hodi ajuda halo rezumu ba matadalan OMS nian kona-ba ijiene liman, ferramenta asosiada no ideia sira ba implementasaun efetivu.
语言: Tetun
Tetun
COVID-19
课程信息
Kursu ida-ne’e mós disponivel iha lian hirak tuirmai ne’e:
English - Français - Português - العربية - Русский - Español - 中文 - Nederlands - Soomaaliga - Türk - සිංහල - македонски - Shqip - தமிழ் - қазақ тілі - Հայերեն - ქართული ენა
Vizaun-panorámiku: Pesoál saúde (PS) ida nia liman iha knar ne’ebé importante liu ba kuidadu pasiente sira. Se PS ne’e la hamoos nia liman iha momentu ne’ebé presiza liu, uza métodu ne’ebé apropriadu, sira bele transmite infesaun hosi mikroorganizmu ne’ebé iha sira-nia liman hosi pasiente ida ba seluk. Ezekuta ijiene liman iha momentu ne’ebé loos sai hanesan intervensaun importante liu iha kuidadu saúde. Ijiene liman minimiza transmisaun mikroorganizmu nian (inklui sira ne’ebé mak rezistente ba antibiótiku), aumenta seguransa pasiente nian, no hamenus infesaun asosiadu ho kuidadu saúde. Ijiene liman ne’ebé efetivu no iha tempu ne’ebé loos sai hanesan pontu importante iha prevensaun no kontrole infesaun.
Objetivu ba aprendizajen: To’o iha kursu nia ikus, partisipante sira tenke iha kapasidade atu:
- deskreve ijiene liman nu’udar komponente krítiku ba prevensaun no kontrole infesaun;
- identifika Momentu 5 ba Ijiene Liman;
- diskute uzu luvas no ijiene liman durante atividade kuidadu pasiente;
- hatudu dalan loos atu fase liman ho sabaun no bee halo tuir métodu rekomenda hosi OMS;
- hatudu dalan loos atu hala’o ijiene liman uza dezinfetante kose-liman bazeia-ba-alkol halo tuir métodu rekomenda liuhosi OMS;
- no diskute asuntu no konsiderasaun xave sira ba ijiene liman iha fasilidade kuidadu saúde.
Durasaun kursu nian: Maizumenus oras 1 atu kompleta.
Sertifikadu: Rejistu hosi Alkansamentu sei disponivel ba partisipante sira ne’ebé hetan rezultadu pelumenus 70% hosi pontu totál disponivel ih Pós-teste. Ita iha númeru ilimitadu atu tenta hetan rezultadu limite mínimu ba pós-teste ne’e. Partisipante sira neebé simu arkivu ba Realizasaun bele mos halo download ba kursu ida nee. Hanehan iha ne 'e atu aprende oinsá.
Tradús tiha ba lian-Tetun hosi Standard precautions: Hand hygiene, 2020. OMS laiha responsabilidade ba tradusaun nia konteúdu la mós ezatidaun. Iha situasaun inkonsisténsia saida de’it entre versaun orijinál Inglés no tradusaun lian-Tetun, versaun orijinál Inglés sai versaun vinkulativu no auténtiku.