ကျန်းမာ​ရေး ၀န်ထမ်းများအတွက် ကိုဗစ်-၁၉ ကာကွယ်​ဆေးထိုးလုပ်ငန်းသင်တန်း

ကိုဗစ်ကာကွယ်​ဆေးထိုးခြင်း လုပ်ငန်းစဥ်များတွင် ပါ၀င်​ဆောင်ရွက်​နေ​သော ကျန်းမာ​ရေး၀န်ထမ်းများအားလုံး အသိပညာအတတ်ပညာများ လုံ​လောက်စွာရှိရန်လိုပါသည်။ သို့မှသာ​ဘေးကင်း၍ အာနိသင်ရှိ​သော ကာကွယ်​ဆေး ထိုးခြင်းကို လုပ်​​ဆောင်နိုင်ပါမည်။ ‘ကျန်းမာ​ရေး ၀န်ထမ်းများအတွက် ကိုဗစ်-၁၉ ကာကွယ်​ဆေးထိုးလုပ်ငန်း သင်တန်း​ပေးခြင်း’ အစီအစဥ်အား နိုင်ငံများမှ ​ရှေ့တန်း ကျန်းမာ​ရေး ၀န်ထမ်းများအတွက် ရည်ရွယ်ပါသည်။ ဤအစီအစဥ်အား UNICEF နှင့် ပူ​ပေါင်း​ဆောင်ရွက်ပြီး မော်ဂျူး ၆ ခုပါ၀င်ပါသည်။ မော်ဂျူးများတွင် ဗီဒီယို သင်ခန်းစာများ၊ ဉာဏ်စမ်းများ၊ အလုပ်​ထောက်ကူများ၊ အပြန်အလှန် သတင်းဖလှယ်နိုင်​​သော ​လေ့ကျင့်ခန်းများ၊ ​ဒေါင်းလုတ်ရယူနိုင်​သော သတင်းအချက်အလက် တင်ဆက်မှုများ ပါ၀င်ပါသည်။

ဓါတ်ပုံ မူပိုင် − WHO/Blink Media – Giliane Soupe

En modo autodidacta
Idioma: မြန်မာစာ
COVID-19

Información del curso

ဤသင်တန်းကို အောက်ပါဘာသာစကားများဖြင့်လည်း ရရှိနိုင်ပါသည်။

English - Bahasa Indonesia - македонски - Русский - 中文- Tiếng Việt- العربية - Español - Nederlands - français - Português - Казақ тілі - ကညီစှီၤကျိာ် - ၽႃႇသႃႇတႆး

သင်တန်းအချုပ်: WHO အဖွဲ့အစည်းသည် ကမ္ဘာ့ကပ်​ရောဂါ တုန့်ပြန်မှုကို အရှိန်အဟုန်မြင့်​စေရန်နှင့် ကိုဗစ်-၁၉ ကာကွယ်​ဆေး ဖြန့်ဖြူ​ရေးနှင့် ညီတူညီမျှစွာ ရရှိနိုင်​ရေးတို့အတွက် ကမ္ဘာတစ်၀န်းမှ သိပ္ပံပညာရှင်များ၊ လုပ်ငန်းရှင်များနှင့် အခြား ကမ္ဘာ့ ကျန်းမာ​ရေး အဖွဲ့အစည်းများနှင့် ပူး​ပေါင်း ​ဆောင်ရွက်လျက် ရှိပါသည်။ ဤသင်တန်းမှ ကိုဗစ်-၁၉ ​ရောဂါ၏ ​​ယေဘုယျ အချက်အလက်နှင့် ကိုဗစ်-၁၉ ကာကွယ်​ဆေး၏ အ​သေးစိတ် အချက်အလက်များဖြစ်​သော သို​လှောင်ခြင်း၊ ကိုင်တွယ်ခြင်း၊ ကာကွယ်​ဆေးထိုးနှံခြင်း၊ မှတ်တမ်းယူခြင်း၊ ကာကွယ်​ဆေးထိုးပြီး​နောက် ​ပေါ်​ပေါက်​သော ​နောက်ဆက်တွဲ ပြဿနာများကဲ့သို့ ဖြစ်ရပ်များကို ​စောင့်ကြပ် ကြည့်ရှုခြင်း၊ ကာကွယ်​​ဆေး လက်ခံနိုင်မှု၊ ​တောင်းဆိုမှုများနှင့်ပတ်သက်၍ သတင်းအချက်အလက်​ပေးခြင်း စ​​သော ကဏ္ဍများကို ဗီဒီယိုသင်ခန်းစာအတိုများမှတဆင့် ​ဆွေး​နွေးသွားပါမည်။ ဉာဏ်စမ်းများဖြင့်လည်း မိမိတို့၏ ဗဟုသုတကို စမ်းသပ်ကြည့်နိုင်ပါသည်။ ဤသင်တန်းကို ကာကွယ်​ဆေး အဓိက ​ပေးခြင်း၊ ထိုးနှံခံခြင်းတို့ ကို ဦးစား​ပေးလုပ်​ဆောင်ရမည့် ​ရှေ့တန်း ကျန်းမာ​ရေး ၀န်ထမ်းများအတွက် အဓိက ရည်ရွယ်ပါသည်။

သင်တန်း၏ ရည်ရွည်ချက်: သင်တန်းပြီးဆုံးလျှင်:

  • ​ရောဂါကို ဖြစ်​စေ​သော SARS-CoV-2 ​ရောဂါပိုးနှင့် ကိုဗစ်-၁၉ ​ရောဂါတို့ကို ​ဖော်ပြတတ်ရန်
  • အ​အေးလမ်း​ကြောင်း စနစ်အတွက်လိုအပ်ချက်များ၊ သယ်ယူပို့​ဆောင်မှု လမ်း​ကြောင်းအမျိုးမျိုးအတွက် သို​လှောင်ခြင်း၊ ကိုင်တွယ်ခြင်းဆိုင်ရာ လုပ်ထုံးလုပ်နည်းများ ကိုရှင်းပြတတ်ရန်နှင့် စွန့်ပစ်ပစ္စည်းဆိုင်ရာ ​ရွေးချယ်မှုများ၊ လုပ်ထုံးလုပ်နည်းများကို ​ဖော်ပြတတ်ရန်
  • ကိုဗစ်-၁၉ ကာကွယ်​​ဆေးထိုး လုပ်ငန်းစဥ်၏ ဖြစ်စဥ်များကို ​ဖော်ပြနိုင်ရန်နှင့် ကာကွယ်​​ဆေးထိုး​နေစဥ်တွင် အသုံးပြုသင့်​သော ကူးစက်မှု ကာကွယ်​ရေးနှင့် ထိန်းချုပ်​​ရေး အစီအစဥ်များကို ​သေချာစွာ သိရှိနိုင်ရန်
  • ကိုဗစ်-၁၉ ကာကွယ်​ဆေးထိုးပြီး​နောက် ​ပေါ်​ပေါက်​သော ​နောက်ဆက်တွဲ မလိုလားအပ်​သော ပြဿနာများကို ​သေချာစွာသိရှိနိင်ရန်နှင့် ဤဖြစ်ရပ်များကို မည်သို့ အစီရင်ခံရမည်ကို ရှင်းပြနိုင်ရန်
  • မှတ်တမ်းနှင့် မှတ်ပုံတင်ရန် စာရွက်စာတမ်းများကို သိရှိရန်နှင့် ကာကွယ်​ဆေး ထိုးရန် ပျက်ကွက်သူများကို ​နောက်​ကြောင်းလိုက်နိုင်​စေရန်
  • လူတစ်ဦးစီ မူတည်၍ ကိုဗစ်-၁၉ ကာကွယ်​ဆေးနှင့်ပတ်သက်​၍ အကျိုးရှိ​သော အချက်အလက်များကို မျှ​​ဝေတတ်​စေရန်

စသည့် ကျွမ်းကျင်မှုများ ရရှိနိုင်ပါသည်။

သင်တန်းကာလ: ခန့်မှန်း​ ၃ နာရီ

ဂုဏ်ပြုလက်မှတ်:: ဉာဏ်စမ်း ​မေးခွန်းများကို ၈၀% နှင့် အထက် ​​မှန်ကန်စွာ ​​ဖြေဆိုနိုင်​သော သင်တန်းသားများအတွက် ဂုဏ်ပြုလမ်မှတ်တစ်ခု ရရှိမှာ ဖြစ်ပါသည်။ အောင်မြင်မှုမှတ်တမ်းကို လက်ခံရရှိသူများသည် ဤသင်တန်းအတွက် Open Badge ကိုလည်း ဒေါင်းလုဒ်လုပ်နိုင်ပါသည်။ လုပ်နည်းကိုလေ့လာရန် ဤနေရာကိုနှိပ်ပါ။

ဤသင်တန်းကို UNICEF နှင့် ပူး​ပေါင်း၍ တင်ဆက်ထားခြင်း ဖြစ်ပါသည်။ အချက်အလက်မာတိကာအားလုံးကို WHO မှ ခွင့်ပြု​ပေးထားခြင်း ဖြစ်ပါသည်။

COVID-19 vaccination training for health workers, 2021 မှ မြန်မာ သို့ ပြန်ဆိုထားပါသည်။ ဤဘာသာပြန်၏ အကြောင်းအရာ သို့မဟုတ် တိကျမှုများအတွက် WHO တွင် တာဝန်မရှိပါ။ အင်္ဂလိပ်နှင့် မြန်မာဘာသာပြန်အကြား မကိုက်ညီမှုများရှိလျှင် အင်္ဂလိပ်မူသည်သာလည်း စည်းနှောင်မှုရှိသော၊ မူရင်း မူဖြစ်ပါသည်။ ဤဘာသာပြန်ကို WHO က အတည်ပြုမထားပါ။ ဤအရင်းအမြစ်များမှာ သင်ယူရေးအထောက်အကူများအတွက်သာ ရည်ရွယ်ပါသည်။

Contenido del curso

  • မော်ဂျူး ၁။ ကိုဗစ်-၁၉ ကာကွယ်​ဆေးနှင့် မိတ်ဆက်ခြင်း:

    သင်တန်းမိတ်ဆက်ဖြစ်ပြီး အဓိက ရည်ရွည်ချက်မှာ အ​ခြေခံကျ​သော ကိုဗစ်-၁၉ ကာကွယ်​ဆေးထိုး လုပ်ငန်းစဥ်၏ သတင်းအချက်အလက်များကို ကျန်းမာ​ရေး၀န်ထမ်းများနှင့် ကာကွယ်​ဆေး​ထိုးပေးသူများ သိရှိနိုင်ရန်ဖြစ်သည်။
  • မော်ဂျူး ၂။ ကိုဗစ်-၁၉ ကာကွယ်​ဆေးများကို သို​လှောင်ခြင်း၊ ကိုင်တွယ်ခြင်း၊ ပို့​ဆောင်ခြင်းနှင့် စွန့်ပစ် ပစ္စည်းများကို စီမံခန့်ခွဲခြင်း။:

    ဤမော်ဂျူးတွင် အပိုင်း ၃ ခုပါ၀င်သည်။ ကိုဗစ်-၁၉ ကာကွယ်​ဆေးကို သို​လှောင်ခြင်း၊ ဖြန့်ဖြူးခြင်း နှင့်ဆိုင်​သော ကာကွယ်​ဆေးထိုးလုပ်ငန်းများကို အစီအစဥ်တကျ လုပ်​ဆောင်ခြငိး၊ ကာကွယ်​ဆေးထိုး စုရပ်များတွင် အ​အေး​လမ်း​ကြောင်း စနစ်များကို စနစ်တကျအသုံးပြုပြီး ကာကွယ်​ဆေးထိုးခြင်းနှင့် ကျန်းမာ​ရေးဌာန အဆင့်တို့တွင် စွန့်ပစ် ပစ္စည်း စီမံ ခန့်ခွဲမှုနှင့်ဆိုင်​သော အသိပညာများပါ၀င်သည်။
  • မော်ဂျူး ၃။ ကိုဗစ်-၁၉ ကာကွယ်​ဆေးထိုး အစီအစဥ်များကို စီစဉ်​ဆောင်ရွက်ခြင်း။:

    ဤမော်ဂျူးပြီးလျှင် ​အောက်​ဖော်ပြပါ အသိပညာများရရှိနိုင်မည် ဖြစ်သည်။ ကာကွယ်​ဆေး ထိုးနှံ​နေစဥ်အတွင်း ကျန်းမာ​ရေး ၀န်ထမ်းများ၊ ​ဆေးထိုးနှံရန်လာသူများ၊ ပြည်သူလူထုများကို ကူစက်ပိုးမှ ကာကွယ်ရန်နှင့် ထိန်းချုပ်ရန် နည်းလမ်းများ၊ ကျန်းမာ​ရေးဌာန အဆင့်၊ ပြည်သူလူထုကြား၊ ​ကာကွယ်​ဆေး ပညာ​ပေးပွဲများ စသည့် အ​ခြေအ​နေအသီးသီးတွင် ကာကွယ်​ဆေးထိုးနှံသည့် အစီအစဥ်များကို ကူးစက်​ရောဂါ ကာကွယ် ထိန်းချုပ်​ရေး လမ်းစဥ်အတိုင်း စီမံနိုင်ရန် နည်းလမ်းများ၊ ​ဘေးကင်း လုံခြုံ​သော ကာကွယ်​ဆေးထိုး လုပ်ငန်းစဥ်နှင့် စွန့်ပစ်ပစ္စည်းထားသိုရန် နည်းလမ်းများကို သိရှိနိုင်မည် ဖြစ်သည်။
  • မော်ဂျူး ၄။ ကိုဗစ်-၁၉ကာကွယ်ဆေးထိုးနှံပြီး နောက်ဆက်တွဲဖြစ်ပေါ်သော ပြဿနာများကို ​စောင့်ကြည့်ခြင်း:

    ဤမော်ဂျူး ပြီးဆုံးလျှင် ကိုဗစ်-၁၉ကာကွယ်ဆေးထိုးနှံပြီး နောက်ဆက်တွဲဖြစ်ပေါ်သော ပြဿနာများ ကို ​​​သေချာစွာသိရှိနိုင်ပြီး မည်သို့တုံ့ပြန်​ဆောင်ရွက်ရမည်ကိုပါ ​ဖော်ပြနိုင်ပါမည်။ ထို့အပြင် ထိုပြဿနာများကို မည်သို့ အစီရင်ခံ​ဆောင်ရွက်ရမည်ကို ရှင်းပြနိုင်ပါမည်။
  • မော်ဂျူး ၅။ ကိုဗစ်-၁၉ ကာကွယ်​ဆေးထိုး မှတ်တမ်းတင်ခြင်းနှင့် စောင့်ကြည့်ခြင်း:

    ဤမော်ဂျူးပြီးလျှင် စနစ်ကျ​သော မှတ်တမ်းတင်ခြင်းနှင့် အစီရင်ခံခြင်း၊ မှတ်တမ်းနှင့် မှတ်ပုံတင်ရန် စာရွက်စာတမ်းများကို ​သေချာစွာသိရှိအသုံးပြုတတ်ခြင်း နှင့် အ​ခြေအ​နေ​ပေးလျှင် ကာကွယ်​ဆေး ထိုးရန် ပျက်ကွက်သူများကို ​နောက်​ကြောင်းလိုက်နိုင်ခြင်းတို့ကို ​ဆောင်ရွက်နိုင်ရပါမည်။
  • မော်ဂျူး ၆။ ကိုဗစ် ကာကွယ်​​ဆေးထိုးခြင်းနှင့်ပတ်သက်၍ လူထုအား ဆက်သွယ်ဆွေးနွေးခြင်း :

    ဤမော်ဂျူးပြီးလျှင် ကျန်းမာ​ရေး၀န်ထမ်းများ၏ ကိုဗစ်ကာကွယ်​ဆေး ထိုးနှံမှုနှင့် ပတ်သက်​သော တာ၀န်နှင့် ၀တ္တရားများကို ​ဖော်ပြနိုင်မည်ဖြစ်သည်။ လူတစ်ဦးစီ မူတည်၍ ကိုဗစ်-၁၉ ကာကွယ်​ဆေးနှင့်ပတ်သက်​၍ အကျိုးရှိ​သော အချက်အလက်များကို မျှ​​ဝေနိုင်မည်ဖြစ်သည်။ ရပ်ရွာလူထုများကို ဆက်ဆံ​ပြော​ဆို​ရေး ဗျူဟာများမှ ဖြစ်လာနိုင်​​ချေရှိ​သော ဆက်ဆံ​​ရေး ပုံစံများကို ရှင်းပြနိုင်မည်ဖြစ်သည်။ ကိုဗစ်-၁၉ကာကွယ်ဆေးထိုးနှံပြီး နောက်ဆက်တွဲဖြစ်ပေါ်သော ပြဿနာများကို ကိုင်တွယ်ရာတွင် ကာကွယ်​ဆေး ထိုး​ပေးသူ၏ အ​ရေး​ပေါ် ဆက်ဆံ​ရေး အ​ခြေအ​နေတွင် မည်သို့ တာ၀န်ယူရသည်ကိုရှင်းပြနိုင်မည်ဖြစ်ပါသည်။

Matricularme en este curso

El curso es gratuito. Solo tiene que crear una cuenta en OpenWHO ¡y ya puede hacer el curso!
Matricularme ahora

Requisitos para el certificado

  • Obtenga un certificado de estudios al obtener más del 80% del número máximo de puntos de todos los trabajos evaluados.
  • Obtenga una insignia digitale abierta al completar el curso.