COVID-19: Oinsá tau no hasai ekipamentu protesaun pesoál (EPP)

Kursu ida ne'e mós disponivel língua tuirmai :

English - македонски - 中文 - Shqip - français - ภาษาไทย - Português - Español

• Nederlands - العربية - Русский - Soomaaliga - Türk- සිංහල - தமிழ் - Казақ тілі

Vizaun-jerál: Ida-ne’e nu’udar matadalan ba traballadór saúde sira ne’ebé envolve iha atividade kuidadu pasiente sira iha fasilidade saúde. Nia objetivu mak atu hatudu tipu ekipamentu protesaun pesoál nesesáriu atu proteje an ho maneira loos. Bazeia ba evidénsia ne’ebé disponivel heal daudaun, EPP ne’ebé rekomenda liuhosi OMS bainhira fó-kuidadu ba pasiente COVID sira mak prekausaun KONTAKTU no TURUN-OAN, ho exesaun hosi prosedimentu ne’ebé prodús aerosol sira, ne’ebé presiza prekausaun KONTAKTU no HADA’ET IHA ÁR (katak, máskara respiradór hanesan N95, FFP2, FFP3). Ho hanoin katak EPP mak parte ida hosi lubuk medida sira ba prevensaun no kontrole infesaun boot liu no tenke implementa nu’udar parte ida hosi estratéjia multi-modal ba jestaun pasiente COVID-19. Mesak de’it pesoál klíniku ne’ebé treinadu no kompetente atu uza EPP bele iha permisaun atu tama ba pasiente nia kuartu.

Objetivu ba aprendizajen: Iha kursu nia ikus, partisipante sira sei bele:

• hatudu dalan loos oinsá atu tau no hasai EPP; no
• hatudu dalan loos oinsá atu hala’o ijiene liman kose ho dezinfetante bazeia-ba alkol (ABHR), halo tuir métodu rekomenda hosi OMS.

Durasaun kursu: Maizumenus minutu 15.

Sertifikadu: Konfirmasaun ba Partisipasaun disponivel ba partisipante sira ne’ebé kompleta material kursu ne’e 100%.

Hafoin liutiha kompleta kursu ida-ne’e, karik Ita iha interese atu aprende liután kona-ba aspektu seluk hosi prevensaun no kontrole infesaun )PKI) iha kontestu COVID-19, favór refere lai ba kursu OpenWHO: 

• https://openwho.org/courses?lang=en&q=IPC

• https://openwho.org/courses?q=IPC

Tradús tiha ba Tetun hosi COVID-19: How to put on and remove personal protective equipment (PPE), 2020. OMS la responsavel ba konteúdu lamós ezatidaun hosi tradusaun ida-ne’e. Iha eventu katak iha inkonsisténsia saida de’it entre versaun Inglés no tradusaun Tetun, versaun Inglés orijinál mak konsidera versaun vinkulativu no auténtiku.