Área rastreamentu, sentru tratamentu no fasilidade komunitáriu sira mak parte ida hosi prioridade estratéjiku ba preparasaun, prontidaun no resposta hasoru surtu Infesaun Respiratória Aguda Grave (IRAG). Pakote treinamentu Fasilidade IRAG nian mak dezenvolve tiha hodi hatán ba nesesidade operasionál emerjente ho pandemia COVID-19. Nia fó koñesimentu halodidi’ak kona-ba prinsípiu sira-ne’ebé orienta prosesu dezeñu ba área rastreamentu ba fasilidade kuidadu saúde, fasilidade komunitáriu no sentru tratamentu IRAG iha kontestu COVID-10, inklui oinsá atu adapta instalasaun ezistente atu sai sentru tratamentu IRAG.
Nota: Material hirak-ne'e lansa ona iha 06.02.2020. This course was launched on 06/02/2020. Scientific evidence and technical guidance on severe acute respiratory infections (SARI) are constantly evolving and lessons learned from the COVID-19 pandemic are now available. Therefore, the contents of this course are partially outdated and currently under revision. A new version of this course will be available in 2025.
Image credit: WHO/Luca Fontana
Idioma: Tetun
English
COVID-19
Informações do curso
Kursu ida ne'e mós disponivel língua tuirmai:
English - Português - русский - العربية - Italiano - Bahasa Indonesia - Español - Français - Tiếng Việt
Vizaun-jerál: Moras Coronavírus (COVID-19) nu’udar moras da’et ida-ne’ebé kauza liuhosi coronavírus foin deskobre. Kursu ida-ne’e fornese hela prinsípiu, rekizitu mínimu no espesifikasaun tékniku sira atu dezeña no organiza fasilidade ba tratamentu IRAG liuhosi palestra no aprezentasaun tékniku badak. Kursu ne’e mak orienta ba pesoál sira-ne’ebé partisipa iha preparasaun no resposta, inklui jestór no planejadór saúde, arkitektu, enjeñeiru, lojístika, pesoál bee no saneamentu, pesoál klíniku no enfermeira, ema ne’ebé fó-kuidadu no prestadór kuidadu-saúde sira-seluk, no promotór saúde sira.
Objetivu ba aprendizajen: Iha kursu nia ikus, Ita sei bele:
- deskreve prinsípiu xave sira relasiona ho dezeñu ba sentru tratamentu no pontu rastreamentu dedikada ba IRAG;
- ezbosa no avalia konfigurasaun ba sentru tratamentu IRAG, inklui fatin triajen no área risku diferente, ho fluksu ema no materiál klaru no rasionál;
- deskreve tipu oioin hosi ventilasaun no tratamentu ár hosi sistema ezaustaun;
- deskreve dalan referál no jornada pasiente nian;
- analiza no avalia fasilidade ezistente ne’ebé disponivel;
- identifika elementu estruturál xave no esensiál atu adapta instalasaun ezistente sai sentru tratamentu ba IRAG; no
- adapta instalasaun ka edifísiu ezistente atu sai sentru tratamentu ba IRAG.
Durasaun kursu: Maizumenus oras (1) ida.
Sertifikadu: Sertifikadu ‘Konfirmasaun hosi Partisipasaun’ mak disponivel ba partisipante sira- ne’ebé kompleta 100% hosi materiál kursu nian.
Tradús tiha ba Tetun hosi Severe Acute Respiratory Infection (SARI) Treatment Facility Design, 2020. OMS la responsavel ba konteúdu ka ezatidaun hosi tradusaun ida-ne’e. Iha kazu katak iha diferensa entre versaun Inglés no tradusaun iha lian Tetun, versaun Inglés orijinál mak versaun vinkulativu no auténtiku.
Conteúdo do curso
Módulu 1: Vizaun-jerál kona-ba prinsípiu operasionál báziku no PKI sira iha kontestu COVID-19:
Módulu ida-ne’e fornese vizaun-jerál kona-ba prinsípiu operasionál báziku no Prevensaun no Kontrole Infesaun (PKI) sira iha kontestu COVID-19.Módulu 2: Dezeña área rastreamentu no sentru tratamentu ba IRAG:
Módulu ida-ne’e deskreve oinsá atu dezeña área rastreamentu no sentru tratamentu ba IRAG.Módulu 3: Adaptasaun ba instalasaun ezistente sai sentru tratamentu ba IRAG:
Módulu ida-ne’e mak deskreve oinsá atu adapta instalasaun ka edifiísiu ezistente atu sai sentru tratamentu ba IRAG.
Inscrever-me neste curso
Requisitos de certificado
- Ganhe uma certificação de participação realizando, pelo menos, 100% do material do curso.