Ստանդարտ նախազգուշական միջոցներ․ Անվտանգ ներարկումներ և ասեղի ծակոցից առաջացած վնասվածքներ

Այս դասընթացը հասանելի է նաև հետևյալ լեզուներով.
English - Tetun - Nederlands - македонски - Українська

Նկարագիր՝ Այս դասընթացի ընթացքում Դուք կուսումնասիրեք, թե ինչպես է պետք իրականացնել անվտանգ ներարկումներ։ Դասընթացի շրջանակներում կներկայացվեն ասեղների և այլ սուր իրերի ոչնչացման ճիշտ մեթոդները։ Դուք կիմանաք, թե ինչ գործողություններ է պետք ձեռնարկել, եթե գործ ունեք ասեղի ծակոցից առաջացած վնասվածքների հետ։ Դասընթացում մենք կներկայացնենք նաև հաստատության բուժանձնակազմին, պացիենտներին և Ձեր համայնքին նման վարակներից պաշտպանելու եղանակները։

Ուսուցման նպատակներ՝ Դասընթացի ավարտին Դուք պետք է կարողանաք․

• Բացահայտել այն գործոնները, որոնք նպաստում են բուժհաստատությունում անվտանգ ներարկումների կանոնններին չհետևելուն։
• Բացատրել ոչ անվտանգ ներարկումների հետ ասոցացվող ռիսկերը և համապատասխան վարակները։
• Կիրառել անվտանգ ներարկումների լավագույն օրինակները Ձեր հաստատությունում։
• Նկարագրել անվտանգ ներարկումների 7 քայլերը։
• Ցուցադրել ասեղների և սուր առարկաների անվտանգ ոչնչացման մեթոդները։
• Բացատրել, թե ինչպես է պետք ճիշտ օգտագործել ներարկիչները։
• Բացահայտել Ձեր հաստատությունում ասեղի ծակոցից առաջացած վնասվածքների ուղիները։
• Նկարագրել, թե ինչ է անհրաժեշտ ձեռնարկել ասեղի ծակոցից առաջացած վնասվածքի դեպքում։
• Բացատրել, թե ինչ է անհրաժեշտ ձեռնարկել ասեղի ծակոցի հետևանքով զարգացած հեպատիտ B (HBV), հեպատիտ C (HCV) և ՄԻԱՎ դեպքերում։
• Կիրառել մուլտիմոդալ ռազմավարությունը՝ նվազեցնելու համար Ձեր հաստատությունում ասեղի ծակոցից առաջացած վնասվածքները։

Դասընթացի տևողություն՝ Մոտավորապես 2 ժամ

Հավաստագրեր՝ Մասնակցության հավաստագիր կստանան բոլոր այն մասնակիցները, որոնք բարեհաջող կանցնեն ավարտական թեստի 70%-ը։ Թեստը բարեհաջող ավարտելու փորձերը սահմանափակ են (3 անգամ)։ Բոլոր այն մասնակիցները, որոնք կարժանանան մասնակցության հատուկ հավաստագրի, կկարողանան ներբեռնել այս դասընթացի Open Badge-ը։ Սեղմե՛ք այստեղ՝այդ գործընթացին ծանոթանալու համար։

Այս նյութը հայերեն թարգմանված է անգլերեն դասընթացից.Standard precautions: Injection safety and needle-stick injury management, 2020թ. ԱՀԿ-ն պատասխանատվություն չի կրում այս թարգմանության բովանդակության համար: Անգլերեն և հայերեն տարբերակների անհամապատասխանության դեպքում հիմք պետք է ընդունել անգլերեն տարբերակը։ Թարգմանությունը հաստատված չէ ԱՀԿ-ի կողմից։ Այս նյութը միայն կրթական օգտագործման համար է: