Udhëheqësia dhe menaxhimi i programit për Parandalimin dhe Kontrollin e Infeksionit

Ky kurs është gjithashtu i disponueshëm në gjuhët vijuese:

English - Français - Azərbaycan dili - македонски - Հայերեն

Përmbledhje: Në këtë kurs, do të shqyrtojmë karakteristikat e një udhëheqësi dhe lloje të ndryshme të udhëheqësisë, por edhe si shkathtësitë e udhëheqësisë janë thelbësore për komunikimin efektiv dhe menaxhimin e konfliktit. Veç kësaj, do të shqyrtojmë procesin e menaxhimit të projekteve dhe edukimin e bazuar në të rritur për PKI, si dhe bazat e shkencës së zbatimit dhe mënyrën sesi strategjitë multimodale mund të mbështesin ndryshimin e sjelljes dhe të ndikojnë tek palët e interesit.

Objektivat e të nxënit: Në përfundim të këtij sesioni, do të jeni të aftë:

• ta definoni udhëheqësinë ashtu siç vlen për rolet dhe përgjegjësitë e personit të fokusit për PKI;
• të identifikoni sesi karakteristikat dhe llojet e udhëheqësisë lidhen me qasjet tuaja personale të udhëheqësisë;
• të përcaktoni komponentët e komunikimit dhe të përshkruajë si përdoren ato për të komunikuar në mënyrë efektive për PKI;
• të zgjidhni kanalet më efektive të komunikimit për t’u përdorur në situata të ndryshme për PKI;
• të shpjegoni cilat shkathtësi dhe sjellje të udhëheqësisë janë të nevojshme për zgjidhjen optimale të konfliktit;
• të shpjegoni sesi aplikohen shkathtësitë e menaxhimit të projekteve në zhvillimin e një programi të fortë për PKI;
• të identifikoni dhe kategorizoni risqet dhe strategjitë për menaxhim të riskut, sipas nevojës për projektet tuaja për PKI;
• të zbatoni teoritë e të nxënit të të rriturve në mënyrën si mund t’i qaseni edukimit dhe trajnimit të punëtorëve të kujdesit shëndetësor në institucionin tuaj;
• të përshkruani mënyrën sesi tre faktorët e zbatimit të suksesshëm - konteksti, inovacioni dhe përfituesit - përcaktojnë një kornizë për përmirësimin e aktiviteteve të PKI-së;
• të shpjegoni sesi të kuptuarit e ndryshimit të sjelljes mund të përdoret për të zhvilluar dhe zbatuar intervenime më të mira për PKI;
• të zgjidhni strategjitë më të mira për t’u përdorur kur përpiqeni të bëni përmirësime me kosto të ulët ose pa kosto; dhe
• të zhvilloni strategji për përmirësimin e cilësisë (PC) që mund të përdoren për t’i përmirësuar sistematikisht proceset dhe rezultatet.

Kohëzgjatja e kursit: Afërsisht 4 orë.

Certifikatat: Pjesëmarrësve që marrin të paktën 70% pas testit, do t’u lëshohet një Vërtetim i Arritjeve. Nuk ka kufizim në numrin e përpjekjeve për ta plotësuar pragun. Pjesëmarrësit që marrin një Regjistër të Arritjes gjithashtu mund të shkarkojnë një Simbol të Hapur për këtë kurs. Klikoni këtu për të mësuar se si.

E përkthyer në shqip nga Leadership and programme management in Infection Prevention and Control (IPC), 2020. OBSH nuk është përgjegjës për përmbajtjen ose saktësinë e këtij përkthimi. Në rast të ndonjë mospërputhjeje të përkthimit nga anglishtja në shqip, versioni origjinal në anglisht do të jetë versioni detyrues dhe autentik.